|
Ang maong kalihukan ang gihimo atol sa pagsaulog sa Philippine
Environment Month sa bulan sa Hunyo nga nagdala sa tema nga, “Wanted
Seas and Oceans : DEAD OR ALIVE.”
Si Mayor Domingo Mirrar sa Lungsod sa Lakewood ang mi-abi abi sa
mga kawani diin atol sa usa ka programa nga gipahigayon mihatag
kini sa usa ka mensahe sa maong pundok. Nagkanayon ang Mayor nga
ang lungsod sa Lakewood biktima sa napulog-usa (11) ka mga logging
companies nga nag-lihok sa maong lungsod mga pipila na ka tuig ang
milabay. Sa pagkakaron, ang Lakewood nagpahigayon sa usa ka halapad
nga pagpananum sa kahoy. Hinoon niining higayona ang itanom nga
mga kahoy mga “fruit trees”. Mipasabot si Mayor Mirrar
nga kung mga “fruit trees” ang itanum dili kini putlon
ang kahoy tungod kay ang prutas lamang ang tuyo niini. Pinaagi niini
mapanalipdan ang mga kahoy.
Si Mr. Manuel Layson, ang Provincial Environment and Natural Resources
Officer (PENRO) sa Department of Environment and Natural Resources
(DENR), nagpadala sa usa ka tinugyanan si Mrs. Aida Borja.
Si Halangdong Gobernador Aurora Enerio-Cerilles ang mipadangat
sa usa ka mensahe pinaagi ni Mr. Julian Novida, ang Local Environment
and Natural Resources Officer ang nagkanayon, “ nga ang pagpanalipod
sa kinaiyahan ang nalangkub sa 7-Point Agenda ni Gov. Cerilles”.
Ang maong kalihukan gisabak usab sa Provincial Tourism, Culture
and Arts Office ubos ni Ms. Adeline P. Nava, ang Executive Assistant
V sa buhatan ni Governor Auring Enerio-Cerilles.
|
